«Манчестер Юнайтед» бош мураббийи Жозе Моуриньо Европа лигаси доирасида  «Фенербахче»га қарши ўйин (4:1) борасида ўз фикрини билдириб ўтди.

«Ўзимизга керак бўлган уч очкони қўлга киритдик. Европа лигасида биринчи ўйинда ютқазиб қўйганимиздан кейин уйда 9 очко ва сафардаги ўйинларда бир неча очко қўлга киритишимиз керак эди. Бу биз учун жуда ҳам муҳим ғалаба. Яхши ўйин. Рақиб яхши ҳимояланди, лекин дастлабки 2та голдан кейин ўйин очилиб кетди.

Тўртинчи голдан кейин биз суръатни пасайтирдик, рақиб эса гол уришга ҳаракат қилди. Жамоам гол ўтказиб юбориши менаг ҳеч қачон ёқмайди. Биз қанчадир вақтга концентрацияни йўқотдик. Бу нормал ҳолат, боиси, аввалроқ бир неча ўйинчиларни алмаштиргандим.

Икки кун аввал Погба АПЛда энг ёмон футболчи бўлганди, орадан 48 соат ўтиб у ажойиб ўйин ўтказди. Мослашиб кетиши учун унга вақт керак. Мен Италияда ишлаганман, итальян футболини яхши биламан. А серияда 4-5 йил ўйнагандан кейин АПЛга дарҳол мослашиб кетиш осон эмас. Погбага вақт керак», – деди Моуриньо.