"Манчестер Юнайтед"нинг собиқ яримҳимоячиси Райан Гиггз Англия чемпионатида "Челси"га қарши учрашувда 0:4 ҳисобида мағлуб бўлган манчестерлик футболчиларга мурожаат қилди.
Йирик ҳисобдаги мағлубиятдан сўнг баъзи футболчилар рақиблари билан футболка алмаштириб улар билан кулишган эди.
"Ҳар қайси ўйинда ҳам мағлубиятга учраш мумкин, аммо менга мағлубиятдан сўнг рақиб билан футболка алмаштириш ёқмайди. Бу борада мени эскича фикрлайдиган деб ҳисобласангиз ҳам майли.
Агар 4:0 ҳисобида тор-мор бўлсангиз, рақибни табрикланг, ўз мухлисларингизга миннатдорчилик билдиринг ва ечиниш хонасига кириб кетинг. Майдонда айланиб, футболка алмаштириб, ҳозиргина сизни тор-мор қилган жамоа билан бирга кулишиб юрманг", - дейди Гиггз Премьер-лиганинг расмий студияси эфирида.
