Россия терма жамоасининг собиқ футболчиси Александр Мостовой Қатар ва Росси терма жамоалари ўртасидаги ўртоқлик учрашувини кўрмаслигини маълум қилди.
Учрашув бугун Тошкент вақти билан 21:00да бошланади.
"Қатар - Россия учрашувини кўрмайман. Нега? Биринчидан, кўролмайман. Иккинчидан, менга шунчаки қизиқмас. Россия термаси ижросида нима янгиликни кўришим мумкин, бунинг устига Қатарга қарши ўйинда? Камига меҳмонда ўйнаяпмиз. У ердаги одамларга футболнинг қизиғи йўқ, ҳалқ ўз қизиқиши билан яшамоқда.
Росси бугун ютиши керак. Қатар термасини унчалик яхши билмайман. Тўғри, беш йил аввал биз уларни юта олмагандик. Ўшанда майдон яхши эмас эди. Бугун 2:0га ютсак керак, деб ўйлайман", - дейди Мостовой.
