Англиянинг «Манчестер Юнайтед» жамоаси собиқ бош мураббийи Алекс Фергюсон 2008 йилда ўша пайтларда манкунианлар сафида тўп сурган Криштиану Роналдунинг «Реал»га ўтишига тўсқинлик қилган.
Алекс Фергюсон «Реал»нинг ўша даврдаги президенти Рамон Кальдерон билан Роналдунинг мадридликлар сафига ўтиши ҳақида муддатидан аввал эълон қилинмаслиги ҳақида келишиб олганди. Шунга қарамай, маълумот матбуотга тарқалиб кетди.
«Фергюсон қаттиқ жаҳли чиққани учун Роналдуни "Барселона"га жўнатиб юбормоқчи бўлганди. У Роналдуни "Реал"дан бошқа исталган клубга бериб юборишга тайёр эди. Аммо Криштиану фақат "Реал"га ўтишни истади. Шунга қарамай, Фергюсон Роналдуни "МЮ"да яна бир йил қолишга кўндирди ва уни Мадрид клубига юборишга ваъда берди», – деди Балаге.
