Бутунжаҳон бокс ассоциацияси (WBA) версияси бўйича -76,2 килограмм вазн тоифасида «суперчемпион» бўлган германиялик Феликс Штурмнинг россиялик Фёдор Чудиновга қарши жанг олдидан топширган допинг намунасида тақиқланган препарат – станозолол аниқланди. Бу ҳақда, Bild нашрига таяниб, «ТАСС» хабар бермоқда.
Октябрь ойида германиялик спортчи «Б» пробасининг натижаси эълон қилинмасидан аввал WBA «суперчемпиони» камаридан воз кечганди.
«‘Б’ пробаси текширилди ва у ижобий натижа берди. Боксчига нисбатан суриштирув ишлари давом эттирилади», – дейилади хабарда.
2016 йилнинг февраль ойида Чудинов очколар бўйича Штурмга мағлуб бўлганди. Беллашувдан сўнг россиялик боксчининг жамоаси жанг натижасига эътироз билдирган эди.
