Европада ЖЧ-2018 саралаш ўйинларининг 4-тури якунланди. «В» гуруҳида Португалия ўз майдонида Латвияни қабул қилди.

28-дақиқада Роналду пенальтидан ҳисобни очди. Иккинчи бўлимда у яна бир пенальтини амалга ошира олмади. Тўп унинг зарбасидан кейин дарвоза устунига тегди. Шу заҳотиёқ Латвия ҳисобни тенглаштирди. Зюзин жарима майдони ичидан кучли ва аниқ зарба йўллаган эди.
Аммо Португалиянинг бу ўйинда очко йўқотиш нияти йўқ эди.
70-дақиқада ўнг қанотдан оширилган тўпни Карвальо боши билан дарвозага йўллади. 85-дақиқада худди шунга ўхшаш вазиятда Роналду акробатик усулда зарба бериб, ўйиндаги 2-голини урди. Ҳакам томонидан қўшиб берилган дақиқаларда Бруно Алвеш боши билан гол уриб, ҳисобни йирик кўриинишга келтирди.

ЖЧ-2018 саралаши. 4-тур

Португалия – Латвия 4:1 (1:0)
Голлар: 1:0 – 28, пенальти Роналду, 1:1 – 67 Зюзин, 2:1 – 69 Вильям Карвалью, 3:1 – 85 Роналду, 4:1 – 90 Алвеш.
Португалия – Руй Патрисиу, Фонте, Геррейру, Жоау Канселу, Алвеш, Жоау Мариу (Желсон Мартинш, 72), Вильям Карвалью, Андре Гомеш (Саншеш, 88), Нани (Куарежма, 65), Роналду, Андре Силва.
Латвия – Ванин, Горкш, Ягодинский, Максименко, Габов, Лайзанс, Фрейманис, Икауниекс (Зюзин, 59), Тарасов, Клюшкин (Вишняков, 79), Руднев (Гутковский, 87).
Огоҳлантиришлар: Клюшкин (14), Андре Гомеш (16), Максименко (25), Горкш (52), Габов (76).