«Лос-Анжелес Гэлакси» ярим ҳимоячиси Стивен Жеррард жамоадан кетаётганини эълон қилди. Англиялик футболчининг клуб билан шартномаси шу йилнинг декабрь ойида якунига етади ва шартнома бошқа узайтирилмайди. Бу ҳақда АҚШ клуби расмий сайти хабар тарқатди.

«Ливерпуль»ни тарк этганимдан кейин "Гэлакси"га MLS кубогини ютишда ёрдам бериш мақсадида Лос-Анжелесга келгандим. Ўз мақсадимизга эришмаганимиздан афсусдаман. Шунга қарамай, бу жамоада ўтказган вақтимдан фахрланаман: биз икки марта плей-оффга чиқдик, майдонда жуда кўплаб вазиятларни голга айлантира олмадик...

Бутун фаолиятини "Ливерпуль"да ўтказган инсон сифатида мен бу ерда катта тажриба тўпладим. "Гэлакси" раҳбариятига менга берилган имконият учун миннатдорчилик билдираман. Шунингдек, жамоадошларимга, мураббийлар штабига, ходимларга ва энг муҳими, фантастик қўллаб-қувватлагани учун мухлисларга раҳмат айтаман. Ушбу Лига ва буюк клуб ўсишда давом этаётганини кўришдан хурсанд бўлдим. Энди мен вақтимни оилам билан ўтказаман ҳамда фаолиятимнинг навбатдаги босқичи бошланишини интизорлик билан кутаман», — деди Жеррард.

Жеррард 2015 йилнинг 7 январь куни «Гэлакси» билан шартнома имзолаганди, аммо мавсум охирига қадар ижара асосида «Ливерпуль»да ўйнади. Шундан сўнг июль ойида MLS'га тўлиқ кўчиб ўтди.