"Рома" яримҳимоячиси Кевин Стротман жамоасининг ушбу мавсумдаги мақсадлари ҳақида гапирди.

"Европа лигаси ғолиблиги ёки Италия чемпионлиги? Улардан бирини танламайман, чунки клубим ҳар иккисидаҳам ғолиб чиқишни мақсад қилган. Италия кубогини ҳам. Албатта, буни уддалаш қийин, аммо биз бу қийинчиликларни енгиб ўтишимиз керак.

"Ювентус"? Бу клуб ҳақида гапириш менга қизиқмас. Кучли жамоа, беш марта кетма-кет Италия чемпионлигини қўлга киритган. Аммо мен "Рома"да ўйнайман ва ўз жамоам ҳақида гапиришни истайман. Биз ўзимизга ишонишимиз ва ғалаба қозонишимиз керак. "Ювентус"нинг мағлубиятини кутмаслик керак", - дейди Стротман.

"Рома" Европа лигасининг Е гуруҳида биринчи, А серияда иккинчи ўринда бормоқда.