Бугун Бразилиянинг «Шапекоэнсе» клуби футболчилари ўтирган самолёт Колумбиянинг Медельин шаҳри яқинида ҳалокатга учради.

Clarin хабарига кўра, самолёт тоғли ҳудудга қулаб тушган. Унинг бортида жами 72 йўловчи бўлган, улардан 10 нафари тирик қолиб, турли тан жароҳатлари билан касалхонага олиб кетилган.

Бразилиялик футболчилар Судамерикана кубоги финалининг дастлабки ўйинини ўтказиш учун Медельин шаҳрига йўл олишган. Улар 1 декабрь куни «Атлетико» (Насьональ) клубига қарши майдонга тушиши лозим эди.

Бир ҳафта олдин «Шапекоэнсе» Судамерикана кубоги яримфиналида «Сан-Лоренсо» клубини мағлуб этган эди. Ушбу ғалабадан сўнг бразилиялик футболчиларнинг қувончи чексиз эди...