Жанубий Америка футбол конфедерацияси (КОНМЕБОЛ) «Шапекоэнсе» клуби самолётини ҳалокатга учраши туфайли, ўз байроғи остидаги барча ўйинларни, жумладан Судамерикана кубоги финалини ҳам ўтказилишини тўхтатди.
«КОНМЕБОЛ юз берган воқеа туфайли барча ўйинларни тўхтатиб қўйилганини эълон қилади. Ташкилот воқеа юзасидан афсусда эканини маълум этади. Қўшимча кўрсатмалар бўлмагунча фаолият тўхтатилади» - дейилади ташкилотнинг расмий сайтида.
Эслатиб ўтамиз, бортида 72 нафар йўловчи ва 9 экипаж ходими бўлган самолёт Медельин шаҳри яқинида қулаб тушган. Хабарларга кўра, 10 нафар йўловчи тирик қолган.