Колумбияда ҳалокатга учраган «Шапекоэнсе» клубининг самолётида 10 нафар йўловчи тирик қолган.
Уларни орасида жамоа ҳимоячиси Алан Рушель ва дарвозабон Данило Падилья ҳам бор. Ҳар иккаласи ҳам оғир тан жароҳатлари билан Ла-Сеха касалхонасига олиб кетилган. Футболчиларнинг оёқ-қўллари, бели ва қовурғалари синган. Бошида ҳам кесилган жойлари бор.
Алан Рушель касалхонада ҳушига келиб, яқинларининг аҳволи билан қизиққан. Сўнгра никоҳ узуги йўқолиб қолмаслигини тайинлаган.
Рушель Данило билан самолётнинг парвозидан олдин бирга суратга тушган ва уни инстаграм саҳифасига жойлаган. Хабарга кўра, яна бир футболчи Жексон Фоллман ва стюардесса Химена Суарес ҳам тирик қолган.
Globo Esporte хабарига кўра, турли сабабларга кўра «Шапекоэнсе» билан ўйинга учиб кетмаган 9 нафар аъзоси ҳалокатдан қутилиб қолган.