29 ноябрдан 5 декабрга қадар Таиланднинг Патайя шаҳрида бодибилдинг ва фитнес бўйича VIII жаҳон чемпионати (8th WBPF World Championships 2016) бўлиб ўтмоқда. Бу ҳақда, Ўзбекистон бодибилдинг ва фитнес федерациясига асосланиб, «Газета.uz» хабар бермоқда.
2 декабрь куни Ўзбекистон вакили Павел Умирзаков жаҳоннинг 23 спортчиси орасида 40–49 ёш тоифасида «бодибилдинг устаси» категорияси бўйича энг яхши натижани қайд қилди. Бу Ўзбекистон тарихида бодибилдинг бўйича жаҳон чемпионатида қўлга киритилган биринчи олтин медалдир.
2014 ва 2016 йилларда бодибилдинг ва фитнес бўйича Ўзбекистон чемпиони, икки карра Осиё чемпиони Павел Умирзаков илгарироқ бодибилдинг бўйича Ўзбекистон кубогини қўлга киритгани маълум қилинган эди.
