ФИФАнинг собиқ президенти Йозеф Блаттер ташкилотнинг амалдаги президенти Жанни Инфантино ўзига ҳурматсизлик қилаётганини маълум қилди.

"У ФИФА президенти тиб тайинланганидан сўнг биз яхши алоқада эдик. У ҳатто уйимга келиб турарди ва кўп нарсаларни муҳокама қилардик. Мен унга ФИФА ечиши керак бўлган бир нечта масалалар борлигини айтгандим. У бунинг устида ишлашини айтган эди, аммо қайтиб бу масалаларга эътибор қаратмади. Мен унга қўнғироқлар қилдим, хат ёздим. Мен ҳеч қачон бирор компаниянинг янги президенти эски президентга бундай ҳурматсизлик қилганини кўрмаганман", - дейди Блаттер.