Испания чемпионатининг 15-тур баҳсини "Барселона" сафарда ўтказди ва ғалаба қозонди. "Осасуна" ўз майдонида каталонияликларга деярли қаршилик кўрсата олмади.

Биринчи бўлимда "кўк-анорранглилар" жуда кўплаб вазиятларни юзага келтиришди, аммо улардан фойдалана олишмади. Жумладан, Луис Суарес бирга бир вазиятдан фойдалана олмаган бўлса, бошқа вазиятда яқин масофадан дарвоза устунини нишонга олди. Месси эса икки марта яккама-якка вазиятда дарвозани ишғол эта олмади.

"Барселона" футболчилари иккинчи 45 дақиқаликни биринчи бўлимдагидек ёрқин ўтказишмади, аммо рақиб дарвозасини 3 марта ишғол қилишга муваффақ бўлишди. Боз устига, бўлим бошида "Осасуна" футболчисининг зарбаси тўсинга тегиб қайтди.

59-дақиқада ҳисоб очилди. Месси жарима майдончаси остонасидан узатма бериб, чап қанотдан ичкарига кираётган Альбага узатма берди. Хорди нариги томонда бўш дарвоза қаршисида турган Суаресни тўп билан таъминлади ва Луис дарвозани ишғол қилди.

Қолган дақиқаларда Лионель иккита гол уришга муваффақ бўлди. Дастлаб Альбанинг чап қанотдан берган узатмасини Месси дарвозабон майдончаси чизиғи устидан дарвозага жойлаб қўйган бўлса, сўнгги дақиқаларда аргентиналик футболчи 3 футболчини алдаб жарима майдончасига кирди ва дарвозани ишғол қилди.

Шу тариқа, "Барселона" сафарда йирик ҳисобда ғалаба қозонди ҳамда вақтинчалик бўлса-да "Реал" билан очколар фарқини 3тага етказди.

Испания Ла лигаси, 15-тур
Осасуна – Барселона 0:3 (0:0, 0:3)
Голлар: 0:1 – 59 Суарес, 0:2 – 72 Месси, 0:3 – 90 Месси.
Осасуна – Перес, Иван Маркес, Фланьо (Гарсия Субирия, 46), Клерк, де ла Куэвас, Санхурхо (Боннин, 63), Чаушич, Торрес, Беренгер, Леон, Риера (Кодро, 70).
Барселона – тер Стеген, Умтити, Пике, Альба, Андре Гомеш (Рафинья, 76), Серджи Роберто, Иньеста, Бускетс, Туран (Суарес, 65), Месси, Суарес.
Огоҳлантиришлар: Санхурхо (27), Иван Маркес (52), Торрес (84).