Англиянинг Премьер-лига 34-туридан ўрин олган баҳсда «Бёрнли» ўз майдонида «Манчестер Сити»ни қабул қилди. «Тёрф Мур» стадионида ўтган учрашув меҳмонларнинг 1:0 ҳисобидаги ғалабаси билан якунланди.

Учрашувдаги ягона голни 5-дақиқада Эрлинг Холанд киритди. Норвегиялик футболчи дарвозабон билан яккама-якка вазиятга чиқиб бориб, ўз имкониятидан самарали фойдаланди. Ўйин охиригача ҳар икки жамоа гол уриш имкониятларга эга бўлди, аммо вазиятлардан фойлана олмади.

Ўзбекистонлик ҳимоячи Абдуқодир Ҳусанов мазкур ўйинни асосий таркибда бошлади ва баҳс охиригача майдонда ҳаракат қилди.

Бу ғалабадан сўнг «Манчестер Сити» 70 очко тўплаб, турнир жадвалида биринчи ўринга кўтарилди. Иккинчи поғонада ҳам 70 очкога эга «Арсенал» жойлашган, бироқ “шаҳарликлар” тўплар нисбати (66:63) бўйича устунликка эга. Қизиғи шундаки, ҳар икки жамоанинг голлар фарқи бир хил — +37.

Бир неча тур олдин «Арсенал» рақибидан 9 очко олдинда эди, аммо охирги икки ўйиндаги мағлубиятлар, жумладан «Манчестер Сити»га қарши учрашувдаги натижа бу устунликни йўққа чиқарди.

«Бёрнли» эса 34 ўйиндан кейин 20 очко билан 19-ўринда қолмоқда ва жамоа АПЛни расман тарк этди. Мавсум якунланишигача жамоалар яна 5 тадан ўйин ўтказади.

Англия — Премьер-лига. 34-тур
22 апрель 2026 йил, чоршанба.
«Бёрнли» — «Манчестер Сити» 0:1
Гол: Эрлинг Холанд 5'