«Манчестер Сити» клубининг собиқ бош мураббийи Мануэль Пеллегрини «Барселона»да ўйнаб юрган Алексис Санчеснинг амалга ошмай қолган трансфери ҳақида гапирди.
«Санчес дунёдаги энг яхши футболчилардан бири эди. У ҳар бир ўйинда буни исботлаб келаётганди. Биз уни «Арсенал»дан олдин «Сити»га таклиф қилмоқчи эдик. Бироқ молиявий фэйр-плей туфайли трансфер амалга ошмай қолди. Алексис – табиатан ғалабага интилувчи футболчи, умид қиламанки, у шундайлигича қолади» - деди Пеллегрини.
2014 йили Санчес «Барселона»дан «Арсенал»га 35 млн фунт эвазига ўтган эди.
