Хитойнинг «Хэбэй Чайна Форчун» клуби «Арсенал» ҳужумчиси Алексис Санчесни қўлга киритмоқчи.
The Sun хабарига кўра, хитойликлар чилилик футболчига ҳафтасига £ 500 минг тўлашга тайёр.
27 ёшли футболчининг «Арсенал» билан тузган шартномаси 2018 йил ёзигача амал қилади ва томонлар уни узайтириш бўйича олиб борилаётган музокараларда келишолмаяпти.
«Хэбэй Чайна Форчун» бош мураббийи Мануэль Пеллегрини шахсан Санчеснинг хизматларига қизиқмоқда ва «Ман Сити» клубида ишлаган пайтида ҳам уни қўлга киритмоқчи бўлган.
Футболчининг трансфер нархи £ 46,6 миллионга тенг.
