Мадридликлар ўйинда тезкор гол уришга муваффақ бўлишди: 9-дақиқада Карим Бензема дарвозани ишғол қилди. Шундан сўнг испанияликлар бир нечта имкониятлар яратишди, аммо улардан фойдалана олишмади. Боз устига, биринчи бўлим сўнгида "Кашима" ҳисобни тенглаштирди. Қанотдан етказилган узатмани Шибасаки кўкраги билан ўзига бўйсундирди ва тўпни дарвозага жойлади.
Иккинчи бўлим бошида яна ўша Шибасаки Навасни иккинчи бор доғда қолдирди. "Реал" тезда мувозанатни тиклади. "Кашима Антлерс" дарвозаси томон белгиланган пенальтини Роналду аниқ амалга оширди — 2:2.
Кейинги дақиқаларда япониялик посбон яна бир нечта вазиятда жамоасини голдан қутқарган бўлса, асосий вақтнинг сўнгги дақиқаларида Навас қаҳрамонлик кўрсатишига тўғри келди.
Қўшимча бўлимларда эса "Реал" ўз устунлигини ҳисобда акс эттира олди. Дастлаб Бенземанинг узатмасидан кейин Роналду жамоасини олдинга олиб чиқди. Орадан 3 дақиқа ўтиб "Кашима" ҳисобни тенглаштириши мумкин эди. Жаримадан етказилган узатмага Юма Сузуки бош билан зарба берди, аммо тўп тўсинга тегиб қайтди. Орадан 3 дақиқа ўтиб эса Криштиану Роналду ўз имкониятидан самарали фойдаланиб, жамоасининг ўйиндаги тўртинчи, ўзининг учинчи голига муаллифлик қилди.
Қўшимча бўлимларнинг иккинчисида дарвозалар ишғол қилинмади. "Реал" клублар ўртасида жаҳон чемпионатида бош совринни қўлга киритди.
Клублар ўртасида ЖЧ, финал
"РЕАЛ МАДРИД" - "КАШИМА АНТЛЕРС" - 4:2. Асосий вақт - 2:2. Қўшимча бўлимлар - 2:0
Голлар: 1:0 – 9 Бензема, 1:1 – 44 Сибасаки, 1:2 – 52 Сибасаки, 2:2 – 60, пенальти Роналду, 3:2 – 97 Роналду, 4:2 – 104 Роналду.
Реал Мадрид – Навас, Варан, Марсело, Карвахаль, Рамос (Начо, 108), Модрич (Ковачич, 105), Каземиро, Кроос, Васкес (Иско, 81), Роналду (Мората, 112), Бензема.
Касима Антлерс – Согахата, Уэда, Ямамото, Ниси, Седзи, Дои (Судзуки, 88), Эндо (Ито, 103), Канадзаки, Огасавара (Фабрисио, 68), Нагаки (Акасаки, 114), Сибасаки.
Огоҳлантиришлар: Рамос (55), Ямамото (58), Фабрисио (93), Каземиро (100), Карвахаль (102).
