"Барселона" бош мураббийи Луис Энрике Испания чемпионатинигг 16-турида "Эспаньол" устидан эришилган ғалабадан сўнг (4:1) фикрларини билдирди.
"Эспаньол" биз кутгандай ўйнади. 2017 йил янада қизиқроқ бўлиши кутилмоқда, чунки чемпионлик учун кураш бу сафар қийинроқ кечяпти. Аммо биз оптимистмиз, бизга ўзимизнинг ўйинимиз ёқяпти. Ҳа, ҳозирча ўзимиз хоҳлаган ўринда эмасмиз, аммо "Реал" ажойиб мавсумни ўтказаётганини унутмаслик керак. Муҳими - мавсум натижаларига кўра кўпроқ совринлар ютиш.
Мессига тан бермасдан иложимиз йўқ. Унинг майдонда қилаётган ишлари - камдан кам рўй берадиган ҳолат. Биз буни ҳар икки ҳафта "Камп Ноу"да томоша қилиш имкониятига эгамиз", - дейди Энрике.
"Барселона" 16 турдан сўнг "Реал"дан уч очко ортда қолиб, иккинчи ўринда бормоқда. Бунда мадридликлар битта ўйин кам ўтказишган.
