Маркус Рэшфорднинг доимий асосда «Барселона»га ўтиш эҳтимоли тобора пасайиб бормоқда. «Кўк-анорранглилар» инглиз футболчисини «Манчестер Юнайтед»дан сўралаётган 30 миллион евро эвазига сотиб олишни истамаяпти.
Журналист Санти Овалленинг маълумотларига кўра, «Барселона» спорт директори Деку Рэшфордни унинг юқори маоши билан олиб қолгандан кўра, 60 миллион еврога янги вингер сотиб олишни мақсадга мувофиқ деб ҳисобламоқда. Шу билан бирга, манбанинг қайд этишича, жамоа бош мураббийи Ханс-Дитер Флик таркиб чуқурлигини таъминлаш учун Маркусни жамоада сақлаб қолишдан мамнун бўларди.
28 ёшли футболчи жорий мавсумда каталонияликлар сафида 44 та учрашувда майдонга тушиб, 12 та гол ва 13 та голли узатмани ўз ҳисобига ёзиб қўйди.
