«Реал Мадрид» Ла Лига доирасидаги «Бетис»га қарши жума кунги ўйин учун қайдномасини эълон қилди. Рўйхатда нафақат соғлиғида муаммоси бўлган Орельен Тчуамени, балки Дани Себальос ҳам йўқлиги маълум бўлди.
Журналист Мигель Анхель Диаснинг ижтимоий тармоқларда хабар беришича, шу ҳафтада Дани Себальос ва Альваро Арбелоа ўртасида кескин зиддият юзага келган. Ушбу можародан сўнг «Реал» бош мураббийи Себальосни «техник сабабларга кўра» ўйин қайдномасига киритмасликка қарор қилган.
Ҳатто Дани Себальос ушбу мавсумда бошқа «Реал» қайдномасидан жой олмаслиги эҳтимоли ҳам бор. Эслатиб ўтамиз, «Реал» Ла Лига турнир жадвалида «Барселона»дан тўққиз очко ортда қолган ҳолда иккинчи ўринни эгаллаб турибди.
