Италия терма жамоасининг бош мураббийи Жампьеро Вентура футболда видеоҳакамларнинг жорий этилишини қўллаб-қувватлади.
«Такрорий видеолавҳалардан фойдаланиш – баҳсли вазиятларда тўғри қарор қабул қилиш учун хизмат қилади.
Агар Мунтари гол урган вазиятда бу тизим қўлланилганда, у А серия тарихини ўзгартирган бўларди.
Аммо ҳар қандай янгилик учун вақт керак. Футболнинг узлуксизлиги бузилмаслиги лозим. Майдондаги ҳакам такрорий видеолавҳани томоша қилиши шартмас» - деди Вентура Football Italia хабарида.
Эслатиб ўтамиз, 2012 йил февралда «Милан» «Ювентус» (1:1) ўйинида ҳакам Салли Мунтари томонидан Буффон дарвозасига урилган голни пайқамай қолганди. Якунда эса «Ювентус» чемпионликни қўлга киритган эди.
