"Локомотив" клуби етакчилари - Тимур Кападзе, Игнатий Нестеров, Маъмур Икромов, Санжар Шоаҳмедов ҳамда Олег Зотеев бугун "Тошкент Сити" болалар жамоасининг тақдирлаш маросимида иштирок этишди.
"Тошкент Сити"нинг 2006 йилда туғилган тарбияланувчилари Шаҳар чемпионатида биринчи ўринни эгаллашди. Шу муносабат билан "Versal" ресторанида ёш футболчиларни тақдирлаш маросими ўтказилди ва бунда меҳмон сифатида Ўзбекистоннинг амалдаги чемпионлари - "Локомотив" футболчилари ҳам таклиф этилди.
Болакайлар "Локо" юлдузларини кўриб хурсанд бўлишди, бунда ота-оналарнинг ҳам боши кўкка етди. Футболчилар сўзга чиқиб, "Тошкент Сити"ни қўлга киритилган ютуқ билан табриклашди ҳамда ёшларга катта бўлгач яхши футболчи бўлишларини тилашди.
