Якунланаётган йил Ла Лига учун ўта муваффақиятли келди. Аслида бундай ҳолга охирги йилларда ўрганиб ҳам қолдик. Шундай бўлсада, келинг, Ла Лига вакилларининг 2016 йилги зафарли онларини хронологик тартибда бир эслаб кўрайлик.
Январ – "Олтин тўп"
2015 йил учун "Олтин тўп"ни Лионель Месси («Барселона») қўлга киритди. Иккинчи ва учинчи ўринларга Криштиану Роналду («Реал Мадрид») ва Неймар («Барселона») лойиқ кўрилди. Нуфузли соврин учун даъвогарлик қилган ҳар учала футболчи ҳам испан жамоалари шарафини ҳимоя қилади. 
15 май – Примеранинг сўнгги тури
Май ойининг якшанба оқшомида Испания чемпионати 2015/2016 йилги мавсумига якун ясалди. Турнир ғолиблигини каталониянинг «Барселона» клуби қўлга киритди.
18 май – Европа Лигаси финали
Швейцариянинг Базел шаҳридаги «Сэнт Якуб Парк» стадионида испанларнинг «Севилья»си ва инглизларнинг «Ливерпуль»и Европа Лигаси финалида баҳс олиб борди. Андалусияликлар рақибини 3:1 ҳисобида мағлуб этди. «Севилья» учун бу Европа Лигасидаги кетма-кет учинчи ғалаба бўлди. 
22 май – Испания Кубоги финали
Мадриддаги «Висенте Кальдерон» стадионида кечган Қирол кубоги финалида каталониянинг «Барселона» клуби «Севилья» билан учрашди. «Барса» 2:0 ҳисобида зафар қучди ва кубокни қўлга киритди.
28 май – Чемпионлар лигаси финали
Миландаги «Сан Сиро» стадионида кечган Чемпионлар лигаси финалида испанларнинг икки жамоаси – «Реал Мадрид» ва «Атлетико» учрашди. Асосий вақт 1:1 ҳисобида якун топди ва пенальтилар сериясида «Реал Мадрид»нинг қўли баланд келди. Шундай қилиб, "Қироллик клуби" ЕЧЛда 11-бор зафар қучди.
Давоми Ла Лига бўйича эксперт блогида.
