Yakunlanayotgan yil La Liga uchun o‘ta muvaffaqiyatli keldi. Aslida bunday holga oxirgi yillarda o‘rganib ham qoldik. Shunday bo‘lsada, keling, La Liga vakillarining 2016 yilgi zafarli onlarini xronologik tartibda bir eslab ko‘raylik.

Yanvar – "Oltin to‘p"

2015 yil uchun "Oltin to‘p"ni Lionel Messi («Barselona») qo‘lga kiritdi. Ikkinchi va uchinchi o‘rinlarga Krishtianu Ronaldu («Real Madrid») va Neymar («Barselona») loyiq ko‘rildi. Nufuzli sovrin uchun da’vogarlik qilgan har uchala futbolchi ham ispan jamoalari sharafini himoya qiladi.   15 may – Primeraning so‘nggi turi
May oyining yakshanba oqshomida Ispaniya chempionati 2015/2016 yilgi mavsumiga yakun yasaldi. Turnir g‘olibligini kataloniyaning «Barselona» klubi qo‘lga kiritdi.   18 may – Yevropa Ligasi finali
Shveysariyaning Bazel shahridagi «Sent Yakub Park» stadionida ispanlarning «Sevilya»si va inglizlarning «Liverpul»i Yevropa Ligasi finalida bahs olib bordi. Andalusiyaliklar raqibini 3:1 hisobida mag‘lub etdi.  «Sevilya» uchun bu Yevropa Ligasidagi ketma-ket uchinchi g‘alaba bo‘ldi.    22 may – Ispaniya Kubogi finali
Madriddagi «Visente Kalderon» stadionida kechgan Qirol kubogi finalida kataloniyaning «Barselona» klubi  «Sevilya» bilan uchrashdi. «Barsa» 2:0 hisobida zafar quchdi va kubokni qo‘lga kiritdi.   28 may – Chempionlar ligasi finali
Milandagi «San Siro» stadionida kechgan Chempionlar ligasi finalida ispanlarning ikki jamoasi  – «Real Madrid» va «Atletiko» uchrashdi. Asosiy vaqt 1:1 hisobida yakun topdi va penaltilar seriyasida «Real Madrid»ning qo‘li baland keldi. Shunday qilib, "Qirollik klubi" YECHLda 11-bor zafar quchdi.   Davomi La Liga bo‘yicha ekspert blogida.