Ўзбекистон терма жамоаси ва «Пахтакор» клубининг собиқ бош мураббийи Валерий Непомняшчий ҳамюртимиз Одил Аҳмедовнинг «Шанхай СИПГ» клубига ўтгани ҳақида ўз фикрлари билан ўртоқлашди.
Мутахассис 2006 йили Аҳмедов билан «Пахтакор» клубида бирга ишлаган эди.
- Аҳмедовнинг савиясини ким билан солиштириш мумкин?
- Биласизми, фақат кучсиз футболчиларни солиштириш мумкин. У эса - Одил Аҳмедов. Шуни ўзи кифоя.
- Аҳмедов ўз нуқтасида Россия чемпионатининг энг зўр футболчиси эдими?
- Йўқ, бундай демаган бўлардим. Сўнгги 1,5 йил ичида унинг ўйини қовушмади. Асосий таркибга ҳам кирмай қўйганди.
- Демак, Хитой – фаолиятини тугатиш учун босилган қадамми?
- Йўқ, йўқ, йўқ. Бу унга тааллуқли гап эмас. Одил менталитетига кўра Хитой футболига мос келади. Унга буни ким таклиф қилганини билмадим, аммо у Хитойда футболдан завқ олиши мумкин. У ерда ҳамма нарса биз тасаввур қилганимиздек ёмон эмас. Агар бу ммалакатда нимагадир даъвогарлик қилувчи клубга тушиб қолсанг, бу ёмонмас.
- Аҳмедов ўтган клубни Андре Виллаш-Боаш бошқармоқда, у ерда Халк ҳам ўйнамоқда. Эртами кечми уларни бир-бири билан учрашиши тақдир тақозоси эдими?
- Бўлиши мумкин. Албатта мен уларни Россия чемпионатида иштирок этувчи жамоада бирга кўришни истаган бўлардим. Аммо тақдир шуни белгилаган экан, начора...
