2016 йил ҳам ўз ниҳоясига етмоқда ва замонамизнинг икки буюк футболчиси Криштиану Роналду ва Лионель Мессининг шахсий кўрсаткичларини таққослаш пайти ҳам келди.
2016 йилда Месси шахсий кўрсаткчилар бўйича тенгсиз бўлди. Футболчи терма жамоа ва клуб учун 63 ўйин ўтказиб, 59 гол урди, 28 голга ҳаммуаллифлик қилди. Роналдуда – 57 ўйин, 55 гол ва 18 узатма.
Бундан ташқари, 2016/17 мавсумнинг биринчи қисмида Месси шахсий статистика бўйича Роналдуни анча орқада қолдирди. У португалиялик ҳужумчига нисбатан рақибни кўпроқ алдаб ўтмоқда, дарвоза олдида кўпроқ хавфли вазият яратиб, хавфли узатмаларни кўпроқ амалга оширмоқда ва кўпроқ жарима зарбаси ишлаб олмоқда. Роналду эса фақат дарвоза томон йўлланган зарбаларнинг ўртача сони бўйича Мессидан олдинда – 6,2:4,9.
Мессининг Whoscored статистика сайтидаги рейтинги – 8,52, Роналдуники эса – 7,6.
Совринларга келадиган бўлсак, бу борада Роналду Мессини катта фарқ билан орқада қолдирди. Португалиялик Евро-2016, Чемпионлар лигаси ва Европа Суперкубогида ғолиб чиқди. Бундан ташқари «Олтин тўп» ва умумий ҳисобда 9та шахсий совринга эга бўлди.
Месси эса Испания чемпионати, кубоги ва суперкубогини қўлга киритди. Терма жамоа сафида Америка кубоги финалида ютқазди.
Месси – Роналду статистикаси (ўртача ҳисобда)
Зарбалар сони: 4,9 – 6,2
Хавфли узатмалар: 1,6 – 0,8
Алдаб ўтишлар: 3,3 – 0,8
Хавфли вазиятлар: 1,8 – 1
Узатмалар: 27,4 – 10,7
Жарима зарбалари: 2 – 1,8
Ўртача рейтинг: 8,52 – 7,6
