"Челси" бош мураббийи Антонио Конте АПЛнинг 19-турида "Сток Сити" устидан қозонилган ғалабадан сўнг (4:2) фикрларини билдирди.
"Футболчиларимни табриклайман. Бундай лигада қаторасига 13та ғалаба қозониш қийин. "Сток Сити" жуда яхши ўйнади. Улар Краучга узоқ масофали узатмалар оширдилар, кейин тўп учун курашдилар.
Ўйинчиларим рақибларнинг турли ўйинларига мослаша олишларини кўрсатдилар. Улар қатъий ўйин кўрсатдилар, кўп ишладилар ва ғалабага бўлган иродани намойиш қилдилар.
Энди янги йилни кутиб оламиз, кейин "Тоттенҳэм"га қарши ўйин ҳақида ўйлаймиз.
Чемпион бўлолмасанг, рақамларнинг аҳамияти қолмайди. Бизда фантастик кўрсаткичлар бор, бундан фахрланамиз. Диққатимизни иккинчи даврага қаратамиз", - дейди Конте.