"Chelsi" bosh murabbiyi Antonio Konte APLning 19-turida "Stok Siti" ustidan qozonilgan g‘alabadan so‘ng (4:2) fikrlarini bildirdi.
"Futbolchilarimni tabriklayman. Bunday ligada qatorasiga 13ta g‘alaba qozonish qiyin. "Stok Siti" juda yaxshi o‘ynadi. Ular Krauchga uzoq masofali uzatmalar oshirdilar, keyin to‘p uchun kurashdilar.
O‘yinchilarim raqiblarning turli o‘yinlariga moslasha olishlarini ko‘rsatdilar. Ular qat’iy o‘yin ko‘rsatdilar, ko‘p ishladilar va g‘alabaga bo‘lgan irodani namoyish qildilar.
Endi yangi yilni kutib olamiz, keyin "Tottenhem"ga qarshi o‘yin haqida o‘ylaymiz.
Chempion bo‘lolmasang, raqamlarning ahamiyati qolmaydi. Bizda fantastik ko‘rsatkichlar bor, bundan faxrlanamiz. Diqqatimizni ikkinchi davraga qaratamiz", - deydi Konte.
