«Барселона» дарвозабони Марк-Андре тер Штеген собиқ жамоадоши Браво кетганидан сўнг маҳоратини янада оширганини айтди.
«Бизда рақобат кучли эди, чунки ҳар биримиз доимий ўйнаш имкониятига эга бўлишни истаганмиз. Энди ҳаммаси ўзгарди ва ҳар иккаламиз ҳам яхши ҳолатдамиз. У «Сити»да ўйнамоқда, мен «Барселона»да. Ниманидир ўзгартириш шарт эди. Чунки вазиятни узоқ вақт давомида бундай ушлаб туришнинг имконияти йўқ эди.
Ҳозир мен кўпроқ ўйнаяпман, катта ўйинларни ўтказяпман. Бу эса менга ўсиш ва маҳоратимни ошириш учун ёрдам бермоқда» - деди тер Штеген El Mundo Deportivo хабарида.
