«Манчестер Юнайтед» бош мураббийи Жозе Моуриньо Англия кубогининг 3-босқичи доирасида «Рединг»га қарши ўйин борасида ўз фикрларини билдириб ўтди (4:0).

«Ўйиндан қониқиш ҳосил қилдим. Баҳс бошидан профессионал ўйин бўлди. «Рединг» бизга қийинчилик туғдириши мумкинлигини билардик, айниқса, уларнинг ўйинга киришиб кетишига имконият берсангиз.

Бу учрашувда асосан кам ўйин амалиётига эга бўлаётган футболчиларни кўздан кечирдим. Улар жисмоний жиҳатдан яхши формада. Мавсумнинг қолган қисмида уларнинг хизматларидан фойдаланишим мумкин.

Рохога нима бўлагинини билмайман, бироз кутиш керак. Мушагидан жароҳат олган бўлса керак. Эрик Байи ҳам сафда эмаслигини инобатга олсак, бу жиддий йўқотиш бўлади», — деди Моуриньо.