Ўзбекистон терма жамоасининг собиқ устози Валерий Непомняшчий ФИФАнинг ЖЧ иштирокчилари сонининг 48тага етказилиши ҳақидаги қарорига салбий муносабат билдирди.
«Жаҳон чемпионати иштирокчилари сонининг оширилиши мусобақанинг томошабоплигини пасайтиради. Чунки кўпгина терма жамоаларнинг савияси жуда паст. Натижада мухлисларнинг қизиқишиям сусаяди.
Иштирокчилар сонининг қанчалик ошишидан қатъий назар, бош соврин учун аввалгидек Европа ва Жанубий Америка терма жамоалари кураш олиб боради.
Бу ислоҳотдан фақат жаҳон чемпионатига чиқишни ҳаёлига ҳам келтирмай юрган терма жамоалар хурсанд бўлиши мумкин» - деди Непомняшчий.
Эслатиб ўтамиз, Валерий Непомняшчий 2006 йилда Ўзбекистон миллий терма жамоасини бошқарган эди.
