"Манчестер Юнайтед" бош мураббийи Жозе Моуриньо жамоанинг собиқ устози сэр Алекс Фергюсоннинг сафар ўйинларига жамоа билан бирга боришга рухсат берди.
"Моуриньо декабрь ойидаги интервьюларининг бирида у ўтмиш асоратларини изламайдиган одамлигини билдирган эди. У Фергюсонга жамоанинг машғулотларига келишга, футболчилар билан мулоқот қилишга ва бирга тушлик қилишга рухсат берганини айтган эди.
Яқинда маълум бўлишича, Фергюсон Муориньодан "МЮ"нинг сафар ўйинларига жамоа билан бирга боришни сўраган. Моуриньо бунга жавобан Фергюсон буни сўраб ўтирмаслиги, транспортдаги исталган ўриндиққа, ҳатто ўзининг ўриндиғига ҳам, ўтириши мумкинлигини айтган", - деб ёзади The Telegraph.
