"Manchester Yunayted" bosh murabbiyi Joze Mourinyo jamoaning sobiq ustozi ser Aleks Fergyusonning safar o‘yinlariga jamoa bilan birga borishga ruxsat berdi.
"Mourinyo dekabr oyidagi intervyularining birida u o‘tmish asoratlarini izlamaydigan odamligini bildirgan edi. U Fergyusonga jamoaning mashg‘ulotlariga kelishga, futbolchilar bilan muloqot qilishga va birga tushlik qilishga ruxsat berganini aytgan edi.
Yaqinda ma’lum bo‘lishicha, Fergyuson Muorinyodan "MYU"ning safar o‘yinlariga jamoa bilan birga borishni so‘ragan. Mourinyo bunga javoban Fergyuson buni so‘rab o‘tirmasligi, transportdagi istalgan o‘rindiqqa, hatto o‘zining o‘rindig‘iga ham, o‘tirishi mumkinligini aytgan", - deb yozadi The Telegraph.
