«Ливерпуль» ҳужумчиси Дэниэл Старриж жамоанинг энг яхши ҳужумчиси ўзи эканига ишонч билдирди.
Жорий мавсумда у АПЛда 12 ўйин ўтказиб, 2та гол уришга муваффақ бўлган. Аммо бирорта ўйинда тўлиқ ҳаракат қилмаган.
«Ливерпуль» клубининг энг яхши ҳужумчиси эканимга шубҳа йўқ. Бу менинг фикрим. Аммо мураббийнинг ва бошқаларнинг фикри ўзгача. Айнан мураббий асосий таркибни шакллантиради. У мени энг яхши ҳужумчи деб ҳисобламаяпти ва бу унинг фикри. Бироқ шу нарса туфайли хафа бўлиш шартмас» - деди Старриж Sky Sports хабарида.