Чили терма жамоасининг собиқ бош мураббийи Клаудио Борги «Севилья» устози Хорхе Сампаолини одобсизликда айблади.
«Сампаоли Аргентинада ишлай олмайди, чунки у одоб меъёрларига амал қилмайди. Тўғрироғи, у одобсиз. Сампаоли – кучли мутахассис, аммо у касбий аҳлоқ меъёрларига амал қилмайди.
Мен Чили терма жамоасида ишлаганимда, Сампаоли федерация билан музокара ўтказган. Бу Сампаолининг салбий ҳислатларидан бири» - деди Борги Fox Sports хабарида.
Эслатиб ўтамиз, Сампаоли Боргидан кейин Чили терма жамоасини бошқарган ва Америка кубогида ғолиб чиққан эди.
