Того терма жамоаси дарвозабони Коси Агасса Африка миллатлари кубоги гуруҳ босқичининг сўнгги туридан ўрин олган Конго ДР термасига қарши ўйинни ўтказиб юбориши мумкин.
Гап шундаки, 2-турдан ўрин олган Марокаш (1:3) терма жамоасига қарши ўйиндан сўнг Того мухлислари дарвозабонни мағлубиятдаги бош айбдор деб топишган ва унинг уйини вайрон қилиб, мулкини талон-тарож қилишган.
Терма жамоа бош мураббийи Клод Леруанинг гапига кўра, бу хабарни эшитган 38 ёшли Агассанинг руҳий ҳолати яхшимас ва у майдонга тушолмаслиги мумкин.
Айни пайтда Того терма жамоаси «С» гуруҳида 1 очко жамғариб, Кот-д'Ивуар, ДР Конго ва Марокашдан кейин охирги ўринда бормоқда.
