Немис футболи лигаси раҳбари Кристиан Шиферт ФИФА техник директори Марко ван Бастен томонидан таклиф қилинган сариқ карточкаларни бекор қилиб, футболчиларни вақтинча майдондан четлатиш ҳақидаги ғояни қўллаб-қувватлади.

«Бу янгилик жорий қилинишга лойиқдир, чунки футбол замонавий технологияларга мослашиб бормоқда.

Сариқ карточкага қараганда, жарима ўриндиғи мантиқан тўғрироқдир. Бундан ташқари, голни аниқлаш технологиясининг ортидан, офсайдни аниқлаш технологиясини ҳам жорий қилиш лозим» - деди Шиферт.