«Реала Сосьедад» бош мураббийи Эусебио Сакристан Испания кубогининг чоракфиналидан ўрин олган «Барселона» клубига қарши жавоб ўйинидан олдин ўз фикрларини айтди.
Дастлабки ўйинда Каталония клуби 1:0 ҳисобида ғалаба қозонган эди.
«Биз ўз кучимизга ишонамиз ва яримфиналга чиқиш имконияти бизни илҳомлантирмоқда. Биз «Камп Ноу»да «Барселона»ни мағлуб эта оламиз, бунга ишончимиз комил.
Бизни жуда муҳим жавоб ўйини кутмоқда. Футболчилар унга тайёр ва бу менга хотиржамлик бағишламоқда.
«Барселона» майдонидаги омадсиз статистикага қарамасдан, ҳозир биз учун қулай вазият ва ундан фойдаланиб қолишимиз лозим» - деди Сакристан.
«Барселона» – «Реал Сосьедад» ўйини бугун тунда, соат 01:15да бошланади.
