«Reala Sosyedad» bosh murabbiyi Eusebio Sakristan Ispaniya kubogining chorakfinalidan o‘rin olgan «Barselona» klubiga qarshi javob o‘yinidan oldin o‘z fikrlarini aytdi.
Dastlabki o‘yinda Kataloniya klubi 1:0 hisobida g‘alaba qozongan edi.
«Biz o‘z kuchimizga ishonamiz va yarimfinalga chiqish imkoniyati bizni ilhomlantirmoqda. Biz «Kamp Nou»da «Barselona»ni mag‘lub eta olamiz, bunga ishonchimiz komil.
Bizni juda muhim javob o‘yini kutmoqda. Futbolchilar unga tayyor va bu menga xotirjamlik bag‘ishlamoqda.
«Barselona» maydonidagi omadsiz statistikaga qaramasdan, hozir biz uchun qulay vaziyat va undan foydalanib qolishimiz lozim» - dedi Sakristan.
«Barselona» – «Real Sosyedad» o‘yini bugun tunda, soat 01:15da boshlanadi.
