«Benfika» bosh murabbiyi Joze Mourinyo Madridning «Real» klubi oldiga o‘z shartini qo‘ydi. Le Journal du Real nashrining xabar berishicha, portugaliyalik mutaxassis yana «qaymoqranglilar» boshqaruvini qo‘lga olishga tayyor, biroq u jamoa ishlarida to‘liq hokimiyatga ega bo‘lishni talab qilmoqda.
«Maxsus» (The Special One) rahbariyat tomonidan hech qanday aralashuvlarsiz, vaziyat talab qilganda istalgan futbolchini zaxiraga yo‘llash va xohlagan o‘yinchisini maydonga tushirish huquqiga ega bo‘lishni istaydi. 63 yoshli murabbiyning fikricha, tarkibda «dahlsizlar» bo‘lmasligi kerak.
Joze Mourinyu 2010 yildan 2013 yilgacha «Real»da faoliyat yuritgan. O‘sha paytda uning jamoadan ketishiga aynan yulduzli futbolchilar bilan bo‘lgan keskin munosabatlar asosiy sabablardan biri bo‘lgan edi.
