«Real» prezidenti Florentino Peres Madrid klubining joriy mavsumdagi muvaffaqiyatsizliklari sababini ko‘rsatib o‘tdi.

ABC Deportes nashrining xabariga ko‘ra, Peres «qaymoqranglilar» tarkibini juda yaxshi deb hisoblaydi. Uning fikricha, dunyoning eng kuchli o‘n nafar futbolchisidan to‘rt nafari aynan «Real»da to‘p tepadi.

Peres jamoaning bu mavsumdagi omadsizliklariga Madrid klubi murabbiylari (Xabi Alonso va Alvaro Arbeloa) jamoani boshqarishni bilmagani hamda tarkib bilan aloqa o‘rnata olmagani sabab bo‘lgan deb hisoblaydi.

Hozirgi vaqtda «Real» Ispaniya chempionati turnir jadvalida 34 turdan so‘ng 77 ochko bilan ikkinchi o‘rinda bormoqda. Madridliklar peshqadam «Barselona»dan 11 ochkoga ortda qolmoqda.