Бугун «Олтин тўп» соҳиблари ҳақидаги туркум мақоланинг якуний қисмига келдик.
Аввалги қисмларда лауреатларни навбати билан мамлакатлар, клублар ва чемпионатлар бўйича «тақсимлаб» чиққандик. Хўш, футбол оламидаги асосий шахсий совринни минтақаларга бўлсак, қандай натижа юзага келади? Табиийки, бу борада европаликлар яққол олдинда. Зеро, France Football 1995 йилгача совриндорни фақат «кўҳна қитъа» вакиллари орасидан танлаган. Шундан кейин «Олтин тўп» географияси кенгайтирилди ва унга бошқа конфедерациялар вакиллари ҳам даъвогарлик қила бошлашди.
Агар ўша 1995 йилдан кейинги танловларни ҳисобга олсак, Европа ва Жанубий Америка ўртасида жиддий рақобат бораётгани кўрамиз. Умуман, шу кунгача «Олтин тўп» фақат 3та қитъа вакили мулкига айланган, холос. 1995 йилдан кейин «Олтин тўп»нинг қитъалар ўртасидаги тақсимоти:
1. УЕФА (Европа) - 11та (Маттиас Заммер - 1та, Зайниддин Зидан - 1та, Луиш Фигу -1та, Майкл Оуэн - 1та, Павел Недвед -1та, Андрей Шевченко - 1та, Фабио Каннаваро - 1та, Криштиану Роналду - 4та)
2. КОНМЕБОЛ (Жанубий Америка) - 10та (Роналдо -2та, Ривалдо -1та, Роналдиньо - 1та, Кака - 1та, Лионель Месси - 5та)
3. АФК (Африка) -1та (Жорж Веа - 1та )
Энди 2003 йилдан кейинги лауреатлар натижалари билан танишишингиз мумкин.
2003 йил - Павел НЕДВЕД (Чехия). «Ювентус» ярим ҳимоячиси. 1972 йилнинг 30 августида Скальн (Чехословакия|Чехия)да туғилган. Совринлари: Чехословакия чемпиони (1993); Чехия чемпиони (1994, 1995); Италия чемпиони (2000, 2002, 2003); Чехия кубоги (1996); Италия кубоги (1998, 2000); Италия суперкубоги (1998, 2000, 2002, 2003); Кубок эгалари кубоги (1999); Италия чемпионатининг энг яхши футболчиси (2003)
2004 йил - Андрей ШЕВЧЕНКО (Украина). «Милан» ҳужумчиси. 1976 йилнинг 29 сентябрида Яготине (собиқ иттифоқ|Украина)да туғилган. Совринлари: Украина чемпиони (1995-1999); Италия чемпиони (2004); Украина кубоги (1996, 1998, 1999); Италия кубоги (2003); Англия кубоги (2007); Англия Лига кубоги (2007); Италия суперкубоги (2004); Украина суперкубоги (2011); Европа Чемпионлар кубоги (2003); Европа суперкубоги (2003); Украина чемпионатининг энг яхши тўпурари (1999); Италия чемпионатининг энг яхши тўпурари (2000, 2004); ЧЛнинг энг яхши тўпурари (1999, 2006); ЧЛнинг энг яхши ҳужумчиси (1999)
2005 йил - РОНАЛДИНЬО (Бразилия). «Барселона» ярим ҳимоячиси. 1980 йилнинг 21 мартида Порту-Алегре- (Бразилия)да туғилган. Совринлари: Испания чемпиони (2005, 2006); Италия чемпиони (2011); Испания суперкубоги (2005, 2006); Европа Чемпионлар кубоги (2006); Либертадорес кубоги (2013); Жанубий Америка чемпиони (1999); Конфедерациялар кубоги (2005); жаҳон чемпиони (2002); ФИФА талқинида жаҳоннинг энг яхши футболчиси (2004, 2005); ЧЛнинг энг яхши ҳужумчиси (2005); еврокубокларнинг энг яхши футболчиси (2006); Конфедерациялар кубогининг энг яхши тўпурари ва футболчиси (1999); Жанубий Американинг энг яхши футболчиси (2013)
2006 йил - Фабио КАННАВАРО (Италия). «Ювен-тус»|«Реал» ҳимоячиси. 1973 йилнинг 13 сентябрида Неапол (Италия)да туғилган. Совринлари: Испания чемпиони (2007, 2008); Италия кубоги (1999, 2002); Италия суперкубоги (1999); Испания суперкубоги (2008); УЕФА кубоги (1999); жаҳон чемпиони (2006); Италия чемпионатининг энг яхши футболчиси (2006); ФИФА талқинида жаҳоннинг энг яхши футболчиси (2006)
2007 йил - КАКА (Бразилия). «Милан» ярим ҳимоячиси. 1982 йилнинг 22 апрелида Бразилиа (Бразилия)да туғилган. Совринлари: Италия чемпиони (2004); Испания чемпиони (2012); Испания кубоги (2011); Италия суперкубоги (2004); Испания суперкубоги (2012); Европа Чемпионлар кубоги (2007); Европа суперкубоги (2007); Клублар ўртасида жаҳон чемпиони (2007); жаҳон чемпиони (2002); Конфедерациялар кубоги (2005, 2009); Италия чемпионатининг энг яхши футболчиси (2004, 2007); ЧЛнинг энг яхши тўпурари (2007); еврокубокларнинг энг яхши футболчиси (2007); ФИФА талқинида жаҳоннинг энг яхши футболчиси (2007); Конфедерациялар кубогининг энг яхши футболчиси (2009)
2009, 2010, 2011, 2012 ва 2015 йиллар - Лионель МЕССИ (Аргентина). «Барселона» ҳужумчиси. 1987 йилнинг 24 июнида Росарио (Аргентина)да туғилган. Совринлари: Испания чемпиони (2005, 2006, 2009, 2010, 2011, 2013, 2015, 2016); Испания кубоги (2009, 2012, 2015, 2016); Испания суперкубоги (2005, 2006, 2009, 2010, 2011, 2013, 2016); Европа Чемпионлар кубоги (2006, 2009, 2011, 2015); Европа суперкубоги (2009, 2011, 2015); Клублар ўртасида жаҳон чемпиони (2009, 2011, 2015); Олимпиада чемпиони (2008); U-20 тоифасида жаҳон чемпиони (2005); Испания чемпионатининг энг яхши футболчиси (2009, 2010, 2011, 2015); еврокубокларнинг энг яхши футболчиси (2009); Европада йилнинг энг яхши футболчиси (2011, 2012, 2015); Испания чемпионатининг энг яхши тўпурари (2010, 2012, 2013); ЧЛнинг энг яхши тўпурари (2009, 2010, 2011, 2012, 2015); «Олтин бутса» лауреати (2010, 2012, 2013); ФИФА талқинида жаҳоннинг энг яхши футболчиси (2009)
2008, 2013, 2014 ва 2016 йиллар - Криштиану РОНАЛДУ (Португалия). «Манчестер Юнайтед» (2008) ва «Реал» (2013) ярим ҳимоячиси|ҳужумчиси. 1985 йилнинг 5 февралида Фуншал (Португалия)да туғилган. Совринлари: Англия чемпиони (2007, 2008, 2009); Испания чемпиони (2012); Англия кубоги (2004); Испания кубоги (2011, 2014); Англия Лига кубоги (2006, 2009); Англия суперкубоги (2007); Испания суперкубоги (2012); Европа Чемпионлар кубоги (2008, 2014, 2016); Европа суперкубоги (2014, 2016); Клублар ўртасидаги жаҳон чемпиони (2008, 2014, 2016); Европа чемпиони (2016); Англия чемпионатининг энг яхши футболчиси (2007, 2008); Испания чемпионатининг энг яхши футболчиси (2012, 2013, 2014, 2016); Англия чемпионатининг энг яхши тўпурари (2008); Испания чемпионатининг энг яхши тўпурари (2011, 2014, 2015); ЧЛнинг энг яхши тўпурари (2008, 2013, 2014, 2015, 2016); еврокубокларнинг энг яхши футболчиси (2008); Европада йилнинг энг яхши футболчиси (2014, 2016); «Олтин бутса» лауреати (2008, 2011, 2014, 2015); ФИФА талқинида жаҳоннинг энг яхши футболчиси (2008, 2016)
