"Интер Майами" ҳужумчиси Лионель Месси "Барселона"да ўйнаган вақтида бирга ишлаган Хосеп Гвардиола ҳақида гапирди.
"Мен учун Гвардиола - бетакрор. Ниҳоятда яхши мураббийлар бор, аммо Гвардиоланинг ўзига хос жиҳати бор. Мен учун у ҳаммасидан яхши.
Ўйинни кўриш, унга тайёргарлик кўриш, футболчилар билан мулоқот қилиш борасида - у жуда мукаммал мураббий. У энг яхшиси ва унинг "Барселона"да бўлгани бизнинг омадимиз. У бизда бўлган ўйинчилар билан бирлашди ва ҳаммаси унинг ғояларига кўра мукаммал бўлди," - деди Месси ESPN’га.
Айни пайтда Хосеп Гвардиола "Манчестер Сити"га устозлик қилмоқда.
