Хабарингиз бор, 31 январ сешанба куни юртимизда жорий йилдаги илк расмий футбол учрашуви бўлиб ўтади.
Юртимизда янги футбол мавсумини, “Насаф” клуби бошлаб беради. Жамоамиз Осиё чемпионлар лигаси саралаш босқичида Бахрайннинг “Ал-Ҳидд” жамоасини қабул қилади.
Учрашув Тошкент шаҳридаги муҳташам “Бунёдкор” стадионида соат 16:00да бошланади.
Ушбу учрашув чипталари бугун эрталабдан “Бунёдкор” стадиони чиптахоналари орқали сотуви бошланади.
Чипталар нархи тоифаларга биноан қуйидагича белгиланган:
Оддий секторлар – 15 000 сўмдан
CИП секторлар – 30 000 сўмдан
ВИП ложалар – 250 000 сўмдан
Стадион ва секторлар жойлашуви ҳақидаги тўлиқ маълумотни “Бунёдкор” стадиони расмий сайти орқали олишингиз мумкин. Стадион сайтига ташриф буюриш учун ҳавола: http://bunyodkor-stadium.uz/about-stadium
Барча мамлакатимиз футбол ишқибозларини учрашувга ташриф буюриб, “Насаф” жамоасини қизғин қўллаб-қувватлашларига чорлаб қоламиз. Зеро, “Насаф” бу сафар нафақат клубимиз шарафини, балки юртимиз шаънини ҳам ҳимоя қилади.
“Насаф” ПФК маркетинг бўлими
