Xabaringiz bor, 31 yanvar seshanba kuni yurtimizda joriy yildagi ilk rasmiy futbol uchrashuvi bo‘lib o‘tadi.
Yurtimizda yangi futbol mavsumini, “Nasaf” klubi boshlab beradi. Jamoamiz Osiyo chempionlar ligasi saralash bosqichida Baxraynning “Al-Hidd” jamoasini qabul qiladi.
Uchrashuv Toshkent shahridagi muhtasham “Bunyodkor” stadionida soat 16:00da boshlanadi.
Ushbu uchrashuv chiptalari bugun ertalabdan “Bunyodkor” stadioni chiptaxonalari orqali sotuvi boshlanadi.
Chiptalar narxi toifalarga binoan quyidagicha belgilangan:
Oddiy sektorlar – 15 000 so‘mdan
CIP sektorlar – 30 000 so‘mdan
VIP lojalar – 250 000 so‘mdan
Stadion va sektorlar joylashuvi haqidagi to‘liq ma’lumotni “Bunyodkor” stadioni rasmiy sayti orqali olishingiz mumkin. Stadion saytiga tashrif buyurish uchun havola: http://bunyodkor-stadium.uz/about-stadium
Barcha mamlakatimiz futbol ishqibozlarini uchrashuvga tashrif buyurib, “Nasaf” jamoasini qizg‘in qo‘llab-quvvatlashlariga chorlab qolamiz. Zero, “Nasaf” bu safar nafaqat klubimiz sharafini, balki yurtimiz sha’nini ham himoya qiladi.
“Nasaf” PFK marketing bo‘limi
