Бугун "Навбаҳор" ёшлари «Фарғона вилояти ҳокими кубоги»даги дастлабки учрашувни ўтказишди.

Биринчи ўйинда наманганликлар Фарғонанинг «Истиқлол» жамоаси билан баҳс олиб боришди. Ўйин давомида ёшлар ёмон тарзда ҳаракат қилишгани йўқ. Аксинча айрим вазиятларда рақибдан устунлик ҳам қилишди. Гол уриш учун Ислом Абдуқодиров, Илҳом Алибоев ва Бобир Тиллабоевда имкониятлар ҳам бўлсада, улардан фойдалана олишмади. Лекин, якунда “Истиқлол” футболчиси томонидан урилган гол фарғоналикларнинг 1:0 ҳисобидаги ғалабасини таъминлади.

Наманганликлар навбатдаги учрашувни 31 январ куни Андижоннинг “ЎзДонгЖу” жамоасига қарши ўтказишади.

Учрашувни “Навбаҳор” ёшлари қуйидаги таркибда ўтказишди: Мирзоҳид Маматхонов, Жавоҳир Олимжонов, Ҳожиакбар Юнусов, Шаҳзод Ҳамидов, Ғолиббек Каримов, Акбарали Холдоров (Искандар Сидиқжанов), Шоҳруҳмирзо Аҳмадалиев, Аҳмад Мамадалиев (Омонулло Мирзаев), Ислом Абдуқодиров (Иброҳим Исмоилов), Илҳом Алибоев (Абдулазиз Жалилов), Бобир Тиллабоев (Аббос Ғуломов).