Bugun "Navbahor" yoshlari «Farg‘ona viloyati hokimi kubogi»dagi dastlabki uchrashuvni o‘tkazishdi.

Birinchi o‘yinda namanganliklar Farg‘onaning «Istiqlol» jamoasi bilan bahs olib borishdi. O‘yin davomida yoshlar yomon tarzda harakat qilishgani yo‘q. Aksincha ayrim vaziyatlarda raqibdan ustunlik ham qilishdi. Gol urish uchun Islom Abduqodirov, Ilhom Aliboyev va Bobir Tillaboyevda imkoniyatlar ham bo‘lsada, ulardan foydalana olishmadi. Lekin, yakunda “Istiqlol” futbolchisi tomonidan urilgan gol farg‘onaliklarning 1:0 hisobidagi g‘alabasini ta’minladi.

Namanganliklar navbatdagi uchrashuvni 31 yanvar kuni Andijonning “O‘zDongJu” jamoasiga qarshi o‘tkazishadi.

Uchrashuvni “Navbahor” yoshlari quyidagi tarkibda o‘tkazishdi: Mirzohid Mamatxonov, Javohir Olimjonov, Hojiakbar Yunusov, Shahzod Hamidov, G‘olibbek Karimov, Akbarali Xoldorov (Iskandar Sidiqjanov), Shohruhmirzo Ahmadaliyev, Ahmad Mamadaliyev (Omonullo Mirzayev), Islom Abduqodirov (Ibrohim Ismoilov), Ilhom Aliboyev (Abdulaziz Jalilov), Bobir Tillaboyev (Abbos G‘ulomov).