Испания кубоги ярим финал босқичининг битта ўйини бўлиб ўтди. Мадриддаги "Висенте Кальдерон" стадионида бўлиб ўтган баҳсда "Барселона" "Атлетико"ни мағлубиятга учратишга муваффақ бўлди.

Учрашувнинг 6-дақиқасидаёқ Луис Суарес деярли йўқ жойдан гол уриб, меҳмонларни ҳисобда олдинга олиб чиққан бўлса, 33-дақиқада Лионель Месси ўз услубида жуда чиройли гол муаллифига айланди.

Иккинчи бўлимда Антуан Гризманн "Атлетико"нинг битта жавоб тўпини уришга муваффақ бўлди. Қолган дақиқаларда мезбонлар 2-3та вазият яратиб, улардан фойдалана олмаган бўлса, бир вазиятда "матрасчилар" дарвозабони Месси томонидан йўлланган хавфли жарима зарбасини қайтарди.

Шу тариқа, Энрике шогирдлари дастлабки ўйинда муҳим ғалабани қўлга киритишди. Жавоб баҳси 1 ҳафтадан кейин "Камп Ноу"да бўлиб ўтади.

Испания кубоги, ярим финал, дастлабки ўйин
АТЛЕТИКО - БАРСЕЛОНА - 1:2 (0:2).
Голлар: Луис Суарес, 7 (0:1). Месси, 33 (0:2). Гризманн, 59 (1:2).
Атлетико: Мойя, Врсалько (Фернандо Торрес, 46), Савич, Годин, Филипе Луис, Хуанфран, Габи, Сауль (Гайтан, 59), Коке, Карраско (Гамейро, 70), Гризманн.
Барселона: Силлессен, Серхи Роберто, Пике, Умтити, Альба, Маскерано, Ракитич (Д.Суарес, 58), Андре Гомеш (Рафинья, 72), Месси, Л. Суарес, Неймар.
Огоҳлантиришлар: Сауль, 32; Савич, 39; Гризманн, 75; Габи, 84; Хуанфран, 90+2 - Неймар, 64; Месси, 90; Маскерано, 90+1.