Ispaniya kubogi yarim final bosqichining bitta o‘yini bo‘lib o‘tdi. Madriddagi "Visente Kalderon" stadionida bo‘lib o‘tgan bahsda "Barselona" "Atletiko"ni mag‘lubiyatga uchratishga muvaffaq bo‘ldi.

Uchrashuvning 6-daqiqasidayoq Luis Suares deyarli yo‘q joydan gol urib, mehmonlarni hisobda oldinga olib chiqqan bo‘lsa, 33-daqiqada Lionel Messi o‘z uslubida juda chiroyli gol muallifiga aylandi.

Ikkinchi bo‘limda Antuan Grizmann "Atletiko"ning bitta javob to‘pini urishga muvaffaq bo‘ldi. Qolgan daqiqalarda mezbonlar 2-3ta vaziyat yaratib, ulardan foydalana olmagan bo‘lsa, bir vaziyatda "matraschilar" darvozaboni Messi tomonidan yo‘llangan xavfli jarima zarbasini qaytardi.

Shu tariqa, Enrike shogirdlari dastlabki o‘yinda muhim g‘alabani qo‘lga kiritishdi. Javob bahsi 1 haftadan keyin "Kamp Nou"da bo‘lib o‘tadi.

Ispaniya kubogi, yarim final, dastlabki o‘yin
ATLETIKO - BARSELONA - 1:2 (0:2).
Gollar: Luis Suares, 7 (0:1). Messi, 33 (0:2). Grizmann, 59 (1:2).
Atletiko: Moyya, Vrsalko (Fernando Torres, 46), Savich, Godin, Filipe Luis, Xuanfran, Gabi, Saul (Gaytan, 59), Koke, Karrasko (Gameyro, 70), Grizmann.
Barselona: Sillessen, Serxi Roberto, Pike, Umtiti, Alba, Maskerano, Rakitich (D.Suares, 58), Andre Gomesh (Rafinya, 72), Messi, L. Suares, Neymar.
Ogohlantirishlar: Saul, 32; Savich, 39; Grizmann, 75; Gabi, 84; Xuanfran, 90+2 - Neymar, 64; Messi, 90; Maskerano, 90+1.